涼拌燻碲

 燻碲做法:

 先將豬手洗淨, 然後出水浸入冰水 ,備用
 煲滾水下(買埋滷水料) 或者 薑二片,蔥,八角,花椒,桂皮,
 草果,丁香,黑椒粒,白椒粒紹酒二湯匙
 先煲20分鐘至出味, ,豬手水要過面煲個半鐘左右,
 (我用高速煲30分鐘搞掂)降溫，要肯定全隻都凍晒起左
 枝骨，最後就用保鮮紙包實放入雪櫃雪一夜。然後切片，上
 碟即可。

 蒜蓉醋的做法: 二茶匙蒜蓉
               少許紅辣椒切碎
               鹽少許
               糖一茶匙
               白醋四湯匙

麻婆豆腐

材料：
豆腐……… 1 塊
薑蒜末……1 大匙
蔥花………少許
肉碎………250G
用生抽2/3湯匙，豆粉一茶匙，糖1/3茶匙

調味料：

• 酒………… 1 大匙
• 辣豆瓣醬… 2 大匙
• 太白粉水 ( 勾芡用 )

作法：

1.	豆腐切丁，川燙後撈出。
2.	起油鍋，炒香薑蒜末和肉碎，加入酒 1 大匙、辣豆瓣醬 2 大匙、豆腐、水半杯燒開。
3.	待水滾後轉小火，繼續煮至入味。湯汁稍乾並自行調味，，加入太白粉水勾芡。最後撒下蔥花即可。

Carrots & Apple Salad

Carrots & Apple salad

其實我真係好鬼鍾意食沙律, 我認我偏食一向好怕草青味重嘅食物 , 西芹, 青瓜, 甘筍, 黃帝菜, 絲瓜, 生蕃茄都唔會係我首選, 雖然話甘筍唔係我杯茶, 不過今次加咗蘋果中和返, 感覺又唔太差喎 , 鍾情沙律原因好簡單, 切切洗洗撈撈拌拌口味清新易做方便 ,瓜瓜菜菜生果豆類選擇勁多, 材料之多任君選擇 , 真係有排都未厭 : )

Dressing

1/4 cup olive oil

2 tbsp fresh lemon juice
2 tbsp orange juice
1 tbsp white Vinegar 

4 cloves garlic

A pinch of sugar
Salt & Pepper

 

Empty all the other ingredients into the bowl and mix well and let dressing in the refrigerator. 

Caesar Salad ~ Bacon

 Caesar Salad  先講煙肉要煎得夠香仲要夠脆,要點必選來佬貨原因係佢油脂多,白鑊下煙肉中大火煎至出油,反轉面再煎,慢慢煎香盛起用廚紙印油 放涼後剪碎或用手撕碎.備用

睇下有幾脆....
哈哈 !!! 最少 10 個脆  : )

Caesar Salad

Caesar salad 係一個簡單得黎又煩覆嘅嘅菜式 , 你以為係切切洗洗加個dressing 就完成嘅話，似乎睇得太過輕鬆 。做戲做完套, 呢次玩認真咩都自己做 , Dressing , Bacon ,Croutons 功夫何其多  你一試便清楚 !!

羅馬生菜清洗後, 浸冰水攊乾身, 加DRESSING 拌勻後加煙肉碎同麵包粒再刨芝士碎上面食得
稍後再談談Dressing , Bacon ,Croutons 做法
多謝收看...............謝謝 :)

Sweet Potato Corn Soup

一個人的晚餐係要食得輕盈一點 , 最好不過就係煮個真材實料同原汁原味嘅西湯啦 , 早前煮過Pumpkin Soup with sweet Corn  , pumpkin chestnut soup , cream of carrots soup  是日又有新搞作  , 擺咗幾日薯仔趁佢未發芽就拿拿聲做底佢, 仲加咗自煮冰封高湯粒同新鮮粟米粒添 , 想滋味一點就煎香兩條煙肉加埋落去煮 , 近排清心寡慾都係清清地好, 真係飲湯都飽哂.........等下次再做至講高湯粒啦

 粟米......................1支
 薯仔......................2隻  (切粒)
 洋蔥.....................半個 (切粒)
 大蒜..................... 1條
 香葉......................2片
 香草......................2支
 高湯......................500ml
 牛奶/忌廉............ 100ml
 蕃茜碎................ 裝飾
 鹽, 黑椒 , 牛油....適量

用牛油小火炒香炒軟洋蔥 , 下粟米同炒加香葉加大蒜 下鹽下黑椒調味, 加入薯仔同炒約5分鐘 , 加入高湯轉大火煮滾, 不時清掉浮物, 繼續小火煮20分鐘至材料軟身, 離火用攪拌器打至順滑回煲加熱, 再加入牛奶或忌廉煮2分鐘左右 ( 不要大滾 )  即成.

家品控

家品控當然係最鍾意碗碗碟碟同刀刀叉叉 , 英國骨瓷當然係我心頭好啦 , 不過我家地方淺窄廚房之細不容許我玩物喪志 , 未能想買就買 . 再者我亦唔甘心單一風格 , 英國瓷器雖則係好 , 不過有時缸瓦果種粗鄙又幾鬼死襯我咁囉 .
所以一得我百無聊賴時都會去位於洗衣街果間缸瓦佬尋下寶 ,  今日又比我遇到心頭好 , 黑白配嘅小碗........... 雖然暫時未諗到點用佢好, 不過可遇不可求嘅野我一定唔會放過.

Pumpkin Soup with sweet Corn

自從另一半轉了新剛位後, 能夠共膳的時候就買少見少, 晚餐都係自己食 , 有時食下自己都幾唔錯, 為了滿足哂自己  , 大年初七人日一個獨處的晚上 , 做了茹素餐 : 炒支甜粟米配個南瓜湯加多碟西蘭花 , 仲要過足影癮 ...................滿足哂自己三個願望 !!!

隨意南瓜湯

煮西湯其實冇需要太多限制過於規律 , 煮西餐經常出現一定有呢 甘荀, 洋蔥 ,西芹三寶 . 就手有咪樣樣落, 無嘅就落少樣囉 . 冇需要跟到足買到一屋到係材料就係為了一碗湯.
是次隨意南瓜湯 , 我就用了蒜茸,蔥頭 , 洋蔥, 南瓜 ,廚餘粟米芯 仲有香葉同百里香 另外加咗三粒高湯粒同清水 , 當然耍加鹽同黑椒調味啦 .

做法 : 下油爆香已切粒蒜茸,蔥頭 , 下洋蔥粒炒至軟身, 下南瓜粒續炒至微軟加香葉同百里香 , 先下少許鹽 , 黑椒加水至材料高1 寸左右中火煲王材料軟約15分鐘左右 , 將材料放入攪拌器攪爛, 回煲加熱, 喜歡滑身可加忌廉 / 牛奶慢火加熱  , 我冇加架....想食原汁原味囉 


                                                                                                             

Brass form Nepal

 因為愛煮  , 對刀刀叉叉, 碗碗碟碟 有特別喜好 , 正所謂去到邊買到邊 , 出外旅遊由從前買衫買褲轉為買碗買碟  已有一段時間 , 呢堆黃銅餐具就是來自尼泊爾 , 唔講唔知價格是按重量收費呵 , 帶咗佢返黎又收得太密, 差少少被遺忘了............  
噢 !!!!  真係太過份

甜蜜美點"糖不甩"

糖不甩是用糯米粉做成湯丸，然後放入滾水煮熟，盛起加在煮熱糖漿中滾動，

食時再撒上花生碎椰絲芝麻餡料 。

白鑊炒香花生後去衣壓碎,另白鑊炒香芝麻,椰絲 , 全部混合 ,備用 . 分量隨意 

  



     
      
       
     超 QQ湯圓

1. 先取一至二湯匙糯米粉慢慢加入暖水混合成圓型粉團狀 ( 像上圖的模樣 )
2. 將粉團輕壓加入大滾水中 , 煲至粉團浮起  , 粉團盛起放到另一盆中 . 
3. 粉團加入糯米粉,  慢慢加水搓至麵團不痴手 ( 在中段痴到癲是正常的 )   , 
4. 成團後搓成圓型湯圓狀 . 
5. 再煲水 ,待水大滾才下湯圓待湯圓煮至浮起才撈上來 ( 謹記水要夠滾，否則湯圓會沉底，很容易黏鍋 )
6. 另一邊片糖下鑊加一少少水, 將糖煮至完全溶解後加入熟湯圓 , 抄勻上碟 . 加入花生碎, 食得. 

時間過得比想像中飛快....
轉眼間當年今日 , 98年今天我靜靜地結婚了
希望往後嘅日子比現在更甜 ^^
咁甜嘅"糖不甩"岩哂我地 !!!!

恭賀新禧

網誌嘅好處係可以自言自語 , 讓自己抒發情感的好地方 .望住一段親近關係逐漸退色 , 感情不再 , 彼此的價值觀各走極端 ,  只知無法改變對方 , 亦不想改變自己 , 心情比想像矛盾 . 用自尋煩腦方式去生活 , 再好也不快樂 !!!

能夠做到少一點"計較" 少一點"比較"

我深信"快樂可以很簡單" 

 ,

薑汁黑糖年糕

擁有充滿煮意的細胞, 好明顯係遺傳自很愛煮嘅媽媽 , 中式賀年糕點, 從少都是由媽媽包辦, 年糕,蘿蔔糕, 馬碲糕自己都極少參與 , 上星期跟她玩過幾次油器後 , 引發我煮癮起 , 左思右想後決心今年也要獻出我嘅第一次, 我揀濃濃嘅薑汁配焦香嘅黑糖 , 來做我新年第一糕 . 家姐話第一糕只可成功不許失敗，意頭喎 ！嚇得我心慌慌，差少少蒸濃煲

薑汁黑糖年糕

糯米粉.....................450g
粘米粉......................50g
澄麵..........................50g
黑糖..........................380g ( 黑糖 250g 唔夠我用了蔗糖130g 兩溝)
水..............................190g
椰子油......................40g ( 其他油都得)

薑汁材料

薑汁..........................340g
水.............................. 140g

1.    薑清洗後切角連皮放入高速攪拌機打成蓉隔渣, 薑汁留用
2.    粉類先混合,用薑汁和水搓成粉團備用 ( 水量自己預, 有淨我倒了去煮糖 )
3.    椰子油煮至糖溶 , 取少量粉團放入盆中, 倒入糖漿開稀,
      重複動作, 加粉圑加糖漿拌勻 , 最後變成稀漿再過篩
4.    蒸盆上薄油 , 倒入粉漿中火蒸熟2小時左右

情人節快樂

一張手機影, 一張相機拍 , 你能分辨嗎?

今年要過一個單身情人節 , 愛人上班去, 趁住早上空檔跟他吃過早餐就逛逛花墟 , 難得有興致順道應下節買了鬱金香 , 老實講過了N咁多年冇花冇禮嘅情人節 , 我也從沒失望 , 今年就準許他用一個簡直係實惠嘅價錢來打破常規, 讓我感受一下節日氣氛.

鬱金香的花語為博愛.體貼.高雅.富貴.能幹.聰穎。

硬係覺得鬱金香擁有自己嘅氣質 , 就是容不下其他花配襯 , 擁有獨自美麗之感.......................... 愛 !!!!

Cream Brulee

過兩日就係情人節, 梗係出返個甜品甜甜佢啦

一個放工後嘅聚餐 , 時間對我來說非常寶貴 ,
甜品早一天做好......就能騰出更多空間做別的菜式 ,
由五點準備六點開始到十二點飲飽食醉後結束.......滿足呵 !!

 

 

 

 

 

 法式焦糖燉蛋 Cream Brûlée 法文中解作為燒焦了的奶油，是法國最出名和歷史悠久的經典甜品之一。法式焦糖燉蛋做法非常簡單，以蛋、鮮奶油和鮮奶作為食材，混合好後放在一個碗中，然後用烘烤或水蒸的方法來處理

 

材料：約四個
蛋黃 3隻
糖 30湯匙
牛奶 100ml
淡忌廉 150ml
香子蘭 1/4條
金黃砂糖（燒糖面用）
做法：預熱焗爐150度
1.把香子蘭切開，刮出秄粒。
   連條放入牛奶和淡忌廉內煲微滾。
2.蛋黃加糖輕手打至淡色。
3.牛奶忌廉煮滾後離火頗放涼後，
   分三次邊攪邊倒入有隔篩蛋黃內。
4.過慮後倒入瓷碗內。
5.座熱水焗20分鐘。
6.出爐後放涼入雪櫃最少兩小時
7.灑一層薄身金黃砂糖，用火槍燒成金黃色糖面。

 

 

 

 

 

 

 

 

賀年油器@炸油角

傳統賀年食品我一向冇做 , 老實講中式食品製作煩複 , 蒸煮需時 , 由細到大都好少參與 . 加上煮癮都係近幾年至出現 , 舊屎真係識食識睇就係唔識做囉  !  呢D大陣丈野慣性由媽媽一手包辦 , 她的自家出品有年糕, 蘿蔔糕 之外, 仲有我早幾年教識佢做嘅馬碲糕 , 另外仲有不定期製作嘅油角 , 糖環 . 

今年媽媽話要同我玩油器 ,  話哂都係前輩級人仕 , 佢地話分量靠經驗材料靠記憶 ,   第一次做跟她的口述材料一斤麵粉, 四蛋, 二百糖, 成品脆但硬 ,  效果未如理想 , 第二次記起要加一斤粉, 三百豬油 ,  百五糖 , 四蛋再繼續 , 成品咬落鬆但易散, 又是不成功 , 第三次就靠感覺稍稍自行調節一下分量 , 成品脆中帶鬆, 鬆中帶脆, 算是大成功 !!!!  有感記憶信唔過 , 就讓我呢個後輩要認真地將它筆錄 , 做到斤斤記住佢 , 兩兩計到足至得.

材料
麵粉...................... 1 斤
砂糖....................... 60g
蛋........................... 3隻
豬油....................... 150g
水........................... 90g

將麵粉篩入大碗中，加入蛋、水、糖  豬油，搓成粉糰。
在工作桌上灑上乾麵粉，用棍壓成一分厚，印成譜小圓塊
對摺成半月形，放一匙花生碎, 收口銷邊，用中火炸至金黃色即成。

 餡料
 炒香花生半斤去衣壓碎 , 椰絲半包 , 砂糖120g 將所有混合即成
 PS. 喜歡的話可以加埋炒香芝麻

Peas N Red Pepper Salad

做沙律真係唔需要太多技巧 , 洗洗切切, 擺擺撈撈, 新鮮夠材料已經決定成敗  , 之但係成功需苦幹有時都要走遍多處才找到岩心水嘅材料嘅 . 今次沙律材料主要係沙律菜, 蕃茄仔, 芝士, 烤過去皮紅燈籠椒同埋裝咗假狗嘅蜜糖豆. Dressing 用欖油黑醋 .顏色配搭搶眼到咁...未擺入口都FEEL到"正"

Oven-Roasted Chicken Wings with Cauliflower and Mushrooms

要騰出時間用心影下食物照, 真係唔係易, 放工做快餐, 那有閒情用心拍 , 到有時間時未必有心情, 有心情時又未必有胃口 , 影得出就擺得入口 , 孖住人食緊想人家趁熱食, 攤凍咗味道自然扣哂分 , 帶住趕住急住心情去影, 總是夾雜着點點失落.

食自己一樣要食好D , 是夜獨樂樂就可以享受慢慢整同慢慢影嘅真樂趣 , 我開始懷疑有自虐傾向，一晚做咁多野, 有點變態, 煲咗蘋果湯响螺湯，煮咗椰菜花雜菇烤雞亦比自己，邊整邊影相，趁烤雞時未出爐時仲拖埋地，食飽去執相。 忙⋯⋯但樂透 

小雞膇 .............. 6隻 ( 先用鹽,黑椒 醃好)
椰菜花............. 半個 
洋蔥 .............    半個 ( 切絲)
雜菇 .............     1大碗 
蒜頭.................. 3瓣
辣椒仔.............. 3隻

下油炒香洋蔥, 蒜頭後加入雜菇炒軟再加椰菜花續炒下鹽, 黑椒調味 , 炒至7成熟盛起, 放入焗盤中 , 備用 . 下油將雞亦表面煎香 , 夾起放在雜菜盤上, 盡你嘅能力擺靚D , 入爐180焗10-15分鐘 , 出爐食得

PS. 唔怕肥嘅你仲可以煎香煙肉加埋一齊焗 , 咸咸香香就更加惹味啦

開卷有益

可能早就染上了網上購物嘅壞習慣 , 果種足不出戶嘅方便同期待包裹嘅心情 , 真係何等滿足心情樂透  , 直接台灣訂書其實好方便 , 比埋運費都平20-30%  , 又經濟又實惠岩哂我呢種懶人, 我向呢樹訂開金石堂網路書店 . 運費以書量台幣計算, 收費合理 , 取貨地址可選香港各大OK便利店 . 取書方便 "讚" , 有興趣咪去睇睇囉

書本數	價格
1	210
2	210
3	300
4	300
5	390
6	390

Roasted Thyme Chicken

想輕輕鬆鬆咁做個在職煮仁 , 只要時間分配好放工一樣可以食大餐 . 首先你一定要知"常備急凍春雞向冰箱是常識"呢個真理 , 早兩天搬入下格自然解凍 , 早一晚清洗同醃雞  , 到開餐果日就入爐烤焗30-40分鐘已經搞掂 .................. 食得 !!



































百里香烤雞

1隻..........................春雞
1大匙...................... salt
1 1/2 大匙................ pepper
1 大匙.......................蒜粉
2 大支....................... thyme 百里香
2 Tbsp .......................Olive Oil

雞抺乾身, 下所有醃料同佢按摩下, 放入雪櫃醃一晚 , 200度大約烤35-40分鐘
入爐後不時將烤出嘅油掃回雞上 , 雞自然油水充足唔會烤乾啦 , 記得雞尖雞腳包錫紙喎 
 

Cream of Carrots Soup

色彩配搭和豐富畫面對食物照片來說非常重要 , 好好運用碟子餐具, 幫助美化構圖 , 更可以利用線條去優化照片 .

甘荀, 西芹, 洋蔥堪稱西餐三寶 ,  老實講冇咗佢地真係唔多掂 , 煮湯, 烤焗 , 煎炸樣樣得 . 煮西湯其實唔需要太多技巧 , 最緊要係有支神仙棒或者強而有力嘅攪拌機 , 切切切, 炒炒炒,煲煲煲 , 攪攪攪, 再回煲煲煲...........做係咁簡單

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

忌廉甘荀湯  

甘荀半條
洋蔥半個(細)
西芹半條⋯⋯
薯仔一隻(細)
蕃茄 ( 細)
欖油, 牛油一角, 水, 忌廉, 奶 , 鹽, PEPPER

 

先將全部材料切粒, 下欖油炒香蒜泥 , 下洋蔥小火繼炒, 再下甘荀, 西芹炒至軟身下牛油 , 根手加蕃茄薯仔拌勻後加水 ( 加到剛蓋過材料約1寸左右 ) , 細火煲10-15分鐘 , 將湯料放入攪拌器打茸 , 回煲再看濃杰度下奶或忌廉 , 下鹽調味 ,即成 : )

Asia Style Chicken with lime juice and Pineapple salad

近排迷上美女廚神 Rachel Khoo , 一向唔睇電視嘅我 , 都迫住要坐定定黎追逢星期二晚明珠台, 呢個"亞洲風味烤雞配青檸汁菠蘿沙律" , 就係望住電視跟佢學囉

烤雞件

雞件................................ 5件
魚露................................ 1  1/2 湯匙
豉油................................ 1  1/2 湯匙
蜜糖................................ 2 湯匙
薑茸................................ 1 湯匙
蒜茸................................ 1 湯匙
紅椒絲............................ 1 隻切絲

1. 雞件洗淨抺乾水放入密實袋 , 再下所有調味料混合 . 入雪櫃醃 1 小時左右. 
2. 預熱焗爐180度雞件連汁入爐先焗15分鐘後反轉再焗15-20分鐘 )

菠蘿沙律

由細到大食菠蘿都會先浸鹽水 , 屋企教落唔浸嘅話食完條脷會嚡喎 , 外國人當然唔知我地嘅風俗啦 , 煮野食同做人一樣要懂得靈活變通 , 方法從來都唔係得一個 , 識得自己執生最緊要

菠蘿        ............................. 1個 切粒
青檸汁................................. 1隻
青瓜 .................................... 1/2 切粒
紫洋蔥................................. 1/4 個切幼絲
鹽水......................................1 碗

菠蘿切片先浸鹽水 , 隔水後切細粒  , 加入青瓜粒 , 洋蔥絲  ,  青檸汁拌勻即成 .

Pumpkin Chestnut Soup

 

最鍾意煮南瓜湯 , 因為佢真係變化多端 , 混入任何材料都同
樣甜美 , 試過配薯仔,又試過加蘋果, 仲有南水梨 , 添加水果冇咁飽肚, 味道又唔會有大轉變 , 湯依舊清甜 , 仍然有濃濃的南瓜甜 , 呢次讓我先介紹最愛孖寶 !!!! 熱愛栗子和南瓜程度可為無分彼此, 南瓜甜栗子香, 一款湯有滿足自己兩種口味
噢 !!! 大滿足呵

洋蔥..........1/4個
南瓜 .........1/2個切件
栗子..........15粒
蒜茸..........2 瓣切茸
蔥頭 .........1粒切茸
香葉..........2片
香草..........隨意
忌廉/奶.....50-100ml
高湯.......... 400ml



下油先炒軟洋蔥下蒜蔥茸同炒，跟手下南瓜栗子粒炒二至三分鐘加水或高湯(不建議用雞湯因為太濃味，我用水加丁丁雞粉)至高過材料半寸左右加鹽，黑椒，兩片香葉，香草，中火煲15分鐘，夾起5至6粒栗子備用，其他用攪拌器打滑，回鍋繼續煲熱，之後加奶或忌廉至自己喜歡的杰度 (如加忌廉煮熱就可以不要煮太耐)，盛起湯面加栗子碎或果仁碎裝飾，得咗 !!!