甜蜜美點"糖不甩"

糖不甩是用糯米粉做成湯丸，然後放入滾水煮熟，盛起加在煮熱糖漿中滾動，

食時再撒上花生碎椰絲芝麻餡料 。

白鑊炒香花生後去衣壓碎,另白鑊炒香芝麻,椰絲 , 全部混合 ,備用 . 分量隨意 

  



     
      
       
     超 QQ湯圓

1. 先取一至二湯匙糯米粉慢慢加入暖水混合成圓型粉團狀 ( 像上圖的模樣 )
2. 將粉團輕壓加入大滾水中 , 煲至粉團浮起  , 粉團盛起放到另一盆中 . 
3. 粉團加入糯米粉,  慢慢加水搓至麵團不痴手 ( 在中段痴到癲是正常的 )   , 
4. 成團後搓成圓型湯圓狀 . 
5. 再煲水 ,待水大滾才下湯圓待湯圓煮至浮起才撈上來 ( 謹記水要夠滾，否則湯圓會沉底，很容易黏鍋 )
6. 另一邊片糖下鑊加一少少水, 將糖煮至完全溶解後加入熟湯圓 , 抄勻上碟 . 加入花生碎, 食得. 

時間過得比想像中飛快....
轉眼間當年今日 , 98年今天我靜靜地結婚了
希望往後嘅日子比現在更甜 ^^
咁甜嘅"糖不甩"岩哂我地 !!!!